هم الخدم!

الله يرحم زمن ما عرفنا فيه الخدم .. كانت عزوم أمهاتنا في القمم .. يربون ويتعبون وكلهم حيوية وهمم .. واليوم ضاعت كل مبادئنا والقيم .. يوم اعتمدنا على شوية خدم .. خدامة تجيك يوم وبواجب البيت تقوم .. ويوم ثاني تطفش وتقول .. بابا أنا يبي يسافر اليوم!.. تسافر وتتركك محتاس مهموم .. من يجابل البيت وبشغله يقوم؟.. يعني لي راحت الخدامة الكل يجوع ويصوم ؟؟.. ياكل من أكل المطاعم ويتحلطم ويلوم .. والأم في أغلب الأحيان ما تعرف تطبخ !.. والريال أكيد ماله شغل بالمطبخ .. ولعيال في الصبح من يجابلهم؟.. يعني الخدامة صارت هي أبوهم وامهم !.. آه من بيت يحكمونه خدم.. كل يوم مشكلة تجيب الهم .. هروب وطبوب ومصايب نهايتها حسره وندم !. 

 

 

 

حلمــــــــــــان